Со особено задоволство Ве покануваме на годишната индустриска конференција „Manufacturing 2026: Transformation Towards Innovation“, што ќе се одржи на 30 октомври 2026 година во спортската сала „Борис Трајковски“ (Т-Арена) во Скопје, во рамки на Меѓународниот саем за техника, технологија, енергетика и иновации ЕНЕРГО ТЕХНОМА 2026.
Конференцијата ја организира Македонското здружение на металната и електроиндустријата (МАМЕИ) во партнерство со Стопанската комора на Северна Македонија (СКСМ) и Европскиот дигитален иновациски хаб – ДигитМАК (EDIH DigitMAK).
Manufacturing 2026 претставува водечка платформа посветена на иднината на производството и трансфoрмацијата која е неопходна за компаниите да останат конкурентни, ефикасни и подготвени за новата индустриска реалност.
Денес, преработувачката индустрија се наоѓа на раскрсница. Дигитализацијата, автоматизацијата, вештачката интелигенција, новите технологии, промените во глобалните ланци на снабдување, како и сè поголемите барања за продуктивност, квалитет и одржливост, ги дефинираат новите правила на играта. Во вакви услови, конкурентноста повеќе не се гради исклучиво преку капацитети, цена и традиционални модели на производство. Таа се гради преку знаење, технологија, иновации, инвестиции и способноста на компаниите брзо да се трансформираат и да создаваат поголема вредност.
Токму затоа, „MANUFACTURING 2026 – ТРАНСФОРМАЦИЈА КОН ИНОВАЦИИ“ ја отвора дискусијата за следниот чекор во преработувачката индустрија – како да се направи премин од традиционално производство кон поиновативно, паметно, ефикасно и конкурентно производство.
„Manufacturing 2026“ претставува водечка платформа посветена на иднината на производството и на неопходната трансформација од традиционални оперативни модели кон паметно, технолошки напредно и меѓународно конкурентно производство. Во ера на забрзани технолошки промени, автоматизација и примена на вештачка интелигенција, конференцијата поттикнува широк индустриски дијалог за подготвеноста за инвестиции, одржливоста, отпорноста на синџирите на снабдување и усовршувањето на работната сила. Со акцент на регионалната и меѓународната соработка, настанот обединува домашни индустриски производители, јавни институции и водечки експерти, заедно со истакнати меѓународни чинители, вклучувајќи партнери од ЕУ и од целиот регион.
Како ко-организатори, Стопанската комора и ДигитМАК внесуваат посебен фокус на дигитализацијата, олеснувањето на инвестициите и пазарната подготвеност на претпријатијата. Во тој контекст, во рамки на богатата програма, СКСМ и ДигитМАК се носители на дискусиите за извозниот раст и јакнењето на конкурентноста на надворешните пазари, како и за примената на концептот Индустрија 4.0 преку поврзување со регионалните дигитални иновациски хабови (EDIH), со што на компаниите им се приближуваат можностите за тестирање технологии пред инвестирање и проценка на дигиталната
зрелост.




